Иоанн Земиска бысть скипетром почтенны,славными победами миру прославленны.Торжество совершая, Богоматерь чтил есть,на колеснице царстей образ поставил есть.Сам пред колесницею оною идяше, Богородице славу победы даяше.Во Сирии в Дамасце скопцем отравися,умре во Цариграде, егда возвратися.<p><strong>Василий и Константин</strong></p>Василий и Константин, Романова чада,правая наследника взяста царство града.Василий держа первство и прещаслив бяше,множицею над враги си торжествоваше.Пятьнадесять тысящь вой Болгар ослепил есть,в сотни с оком единым мужа оставил есть,Иже ослепленныя к дому проводити,не подобаше тако жестоко творити.Живе лета доволна, та же преставися,на царстве Константин брат его оставися.<p><strong>Константин</strong></p>Константин по брате си престол содержаше,чреву и страстем плоти выну работаше,О них же зазор име, очию лишил есть,чрез воеводы враги неки победил есть.Романа же Аргира во зятя приял есть,царство оному отдав, жизнь свою скончал есть.<p><strong>Роман Аргир</strong></p>Роман царство от Бога свое начинаше,храмы во славу Его многи созидаше.К людем бяше милостив, вси его любиша,во добром правителстве, во радости жиша.Зоя токмо царица зла ему явися,ко среброхудожнику сердцем обратися.Тому имя Михаил нареченно бяше,красен лицем, с Зоею прелюбы творяше.Зоя убо первее царя отравила,болнаго удавити потом наустила.Потщася Михаила на царство венчати,о коль зло со женою злою пребывати!<p><strong>Михаил Пафлагон</strong></p>Михаил на престоле егда посадися,недоброй царице муж Зои сотворися.Но, бояся от нея пакости, храняшеза стражею злу жену, веры ей не яше.На самаго же его казнь Бог попустил есть,ибо демон, хищая онаго, мучил есть,И бысть не в ползу царству, брат убо правяшецарствие, донеле же Михаил живяше.Сестричища своего на царство подал есть,та же жизни своея кончину приял есть.<p><strong>Михаил Калафат</strong></p>От смоливша корабли сей отца родися,Михаилу и Зои за сына въменися.Царь быв, поживе злобно и Зою изгнал есть,сродники царски скопив, далече ссылал есть.Елма же Зоя паки к царству возвратися,сей низвержен с престола, к тому изочися.<p><strong>Константин Мономах</strong></p>Брат царя Пафлогона царь бысть сотворенныи царице во мужа Зои свокупленны.Плоти угодно жил есть, а Зои рыдашеженски, егда кончину она жизни взяше.Церкве бяше поборник, благо ей творяше,монастырь создав, конец сам во оном взяше.<p><strong>Феодора</strong></p>По Константине царство Феодора взяла,мирно же и щастливе оно содержала.За живота своего царя сотворилаСтратоника воина ветха Михаила.<p><strong>Михаил 6 Стратоник</strong></p>
