Феофил еретик бе, икон не любяше,идолы ругателне оны нарицаше.Правды же бе любитель, при конце болел естьпоносом, разверженне устне си имел есть.Даже внутреним его теми зреным быти,лобза образ, а Бог те даде затворити.Феодора царица к добру й вождаше,еже покаятися, та же конец взяше.<p><strong>Михаил</strong></p>Михаил по отце си царь бысть нареченный,во детстве материю бе добре правленный.Возраст прием, матерь си в монастырь изгнаше,без нея, яко хоте, безчинно живяше.Василий Македонии посла й убити,егда ему от вина нетрезвенну быти.Посланнии первее руце отсекоша,послежде же до смерти мечы прободоша.<p><strong>Василий Македонин</strong></p>Василий Македонин лето царствоваше,праведен, благочестив и милосерд бяше.Иудеи ко вере правой приводил есть,многи храмы Богови в честь сооружил есть.От еленя за пояс рогом похитися,даже мечем воина пояс разрешися.Сию ему заслугу царь зле возмездил есть,за добытие меча живота лишил есть.Но и сам по случаи том мало живяше,утробою поврежден, жизни конец взяше.<p><strong>Лев Премудрый</strong></p>Лев Мудрый на престоле отчем посадися,книгам бяше рачитель, добре им учисяВ церковная делеса вдаяшеся смелои законы написа изрядныя зело.Поноса болезнию живота лишенный, Александр брат на царстве его посажденный.<p><strong>Александр</strong></p>Александр пияница и блудитель бяше,покрыв главу, во церковь ходити начаше.Петр святый во сне би й, тем бысть престрашенны,кровь плева и червием бяше расточенны.<p><strong>Константин 8</strong></p>Константин сын Лва Мудра седмилетен был есть,егда ся на престоле царстем посадил есть.Его же Алексиев Константин гоняше.того отсеченную царь главу видяше.Прият в общество царства лютаго Романа,от него же сам терпе, яко от тиранна,Его же сын Стефан ем, в монастырь заслал есть,Константин же на царстве свободен остал есть.Но от сына Романа отравлен, скончася,иже по нем на царство от всех людей взяся.<p><strong>Роман</strong></p>Роман, отца умертвив, бысть сам увенчаны,но в пиянство и на блуд зело бяше вданы.Тем сил скоро лишися и живот скончал есть,два сына оставль, но ин царство восприял есть.<p><strong>Никифор Фока</strong></p>Никифор на царствие вои понужденны,вдове царице в мужа бяше сопряженны.Щастие име добро, благ и щедр живяше,но воинство в ненависть свою его взяше,Яко изменил бяше нравы си благия царскому достоинству на неподобныя.Царица Феофана на нь есть наустилаИоанна Земиску и жизни лишила,Ибо той уби царя, главу отрезаша,да не востанет молва, людем показаша. <p><strong>Иоанн Земиска</strong></p>
