Злаго родителя сын недобрый явися.златом умздив боляры, на царство всадися.Изначала доброту себе притворяше,потом иконоборец нечестивый бяше.Венец с камением честным из образа взял есть,возложь на главу, вреды в казнь себе стяжал есть,Ими же расточенны, живота лишися,тогда от мучителя Церковь свободися.<p><strong>Константин и Ирина</strong></p>Константин по отце си на царство вступил есть,иже десятолетен токмо тогда был есть.Име благочестиву матерь си Ирину,яже соцарствовала есть своему сыну.Потом сын изгна матерь, а послежде матипотщася на царствие и сына си яти,Ему же повелела очеса изьяти,тако бысть нужда ему во гроб ся потщати.<p><strong>Ирина</strong></p>Ирина благочестно зело царствоваше,еже сын разорил бе, она исправляше.Потом от Никифора в царстве пременися.в монастырь и в далекий остров заточися.<p><strong>Никифор</strong></p>Никифор по Ирине люте царствоваше,Манихейскую нечесть до конца держаше.О Крума, Болгарскаго царя, победися,глава его на древо острое всадися.Потом из кости главны Крум чашу содея,из нея в день радости пияше своеяИ велможи чествова, а во Цариградеплачь бе от тщете полков, радость о отраде,Ибо паче о смерти мучителя бяхурадостни, неже тщеты избитых ридаху.<p><strong>Ставратий</strong></p>Ставратий Никифоров сын царство прияшево Адрианополи, но недолго бяше.Ненавидим боляры, в монастырь прогнася,Михаилом же царства скипетр восприяся.<p><strong>Михаил Куропалат</strong></p>Михаил Куропалат царством бысть почтенный,бе всяко благочестив, муж бе божественный.Честь иконам должную даяти веляше,иконоборцы паки в царстве истребляшеАгаряны порази, болгары избися,Лвом из царства пременен, в монастырь вселися.Феофилакт сын его скопец сотворенны,мати с ним и братия бяху заточенны.<p><strong>Лев Арменин</strong></p>Лев Арменин от воев на царство всадися,враг иконом всечестным лютый сотворися.Михаила повеле Гугнива мертвити,но царица умоли того не творитиВ день Рождества Христова, но от сковник егобысть лишенны во церкви живота своего.Тело его в торжище безчестно влечеся,рука ему и глава тамо отсечеся.<p><strong>Михаил Гугнивый</strong></p>Михаил, иже от Лва во узы вверженны,в оковах на престоле царстем посажденны,Яко ключь не абие обретенны бяше,ибо Лев убиенный при себе храняше.На царстве си Михаил в начале явисяблагочестив, но вконец в вере развратися.Ни жид, ни христианин быти показася.сие слово Кедреном о нем написася.Воды удержанием конец восприял есть,по нем сын на царствие Феофил настал есть.<p><strong>Феофил</strong></p>
