Константов сын Константин царство восприял есть.в благочестивей вере весь век пребывал есть.Потщася собор шестый в Цариград собрати.ересь единоволцев проклятию дати.В благочестии конец жития приял есть.а по нем сына его Бог на царство дал есть.<p><strong>Иустиниан Младший</strong></p>Иустиниан чадо Погоната бяше,иже по отце своем скипетр восприяшеВ начале царствия бе муж благочестивыйи противу врагом си на бранех щасливый.Егда же злобами си Бога отступил есть,тогда онаго Господь царствия лишил есть.К тому нос урезаша ратници ономуи, изгнавше, царствие предаша иному.<p><strong>Леонтий</strong></p>Леонтий на предварша место вознесенный,но по триех сей летех бяше низверженныйТиверий Авсимара носа й лишил естьи в монастырь Далматски страны заточил есть<p><strong>Тиверии 3</strong></p>Тиверий лет седмицу царствие держаше,потом Иустиниан паки царство взяше.<p><strong>Иустиниан паки</strong></p>Иустиниан егда паки царствовал есть,мучителство многое, месть дея, являл есть.Леонтию ругався. мечем ссече выю,такожде сотворил есть царю Тиверию.Други их и воинство люте убиваше,безчестия своего мщение деяше.Вои же Филиппика на престол избраша,царствующий град ему во державу даша.<p><strong>Филиппик</strong></p>Филиппик вои в Царьград ускори послати,иже сына царскаго дерзнуша заклати.Потом и царю главу от выи отьяшаи Филиппику ону яко дар послаша.Но и сам в малех часех очию лишися,Анастасий на его месте посадися.<p><strong>Анастасий</strong></p>Анастасий на царстве преблаго живяше,на Сарацины вой доволны послаше,Иже началника си во пути убиша,Феодосия царя себе сотвориша,Иже, объем Цариград, царя бывша ял есть, живот даровав ему, в монастырь послал есть.<p><strong>Феодосий 4</strong></p>Феодосий силою на царство всадися.аще и утекаше, вой понудися.Оному Лев Исаврик царства завидяше,тем, быв монах и с сыном, престол Лву отдаше.<p><strong>Лев Исавр</strong></p>Лев Исавр елма царства державу прияше,еретик сый, образы хулити начаше.Потом нача из Церкве оны изметати,сещи и сокрушати, огнем сожигати.Чрез все царства си время Церкви враг творися, не примирився с нею, во ад преселися.<p><strong>Константин Копроним</strong></p>По злом отце сын хуждший на царство всадися,иже от юности си злобам приучися.Отступил есть от Бога, образы крушашеи кровь многу за честь их верных проливаше.Превзыде зла Нерона, чародейство знал есть,до конца живота си правоверных гнал есть.В Халандии скончася. люте вопияше.яко Бог й живаго огневи предаше.Каяся окаянник о злобах творенных,но не удостойся щедрот божественных.Егда крещен бысть, воду калом насквернил естьи за то Копронима имя получил есть.Еще и Кабалина народ его зваше,яко гной конск и воду безчинно любяше.<p><strong>Лев 4</strong></p>
