Том 13 (XVI век, агиография) полностью

Поведа мне, Мартирию, некто христианинъ именем Иосифъ, из села из Буборин,[1058] понеже и сами слышасте от него, сице глаголя: «В летнее время, в полудни, после Петрова дни, канон Козмодамьянова дни,[1059] опочивающу ми в клете своей и спящу, и видехвосне, яко бы вшедшу ми на улицу. И видех в пустыни сей стоящъ столпъ огненъ от земля до небесе, и ис столпа того рука простерта, аки человеча, и из руки той прядают искры огнены». Се поведа Иосиф видение свое, занеже показа ему Богъ видение се. Бывшу ему некогда велми болну и близ смерти, и посули мне, Мартирию, по себе коробью[1060] ржи, чим его поминати мне, старцу. Богъ же воздвиже его от болезни, и бысть здравъ. Зжалив же ся о оной ржи, посуленыя мне, старцу, и глаголя в себе: «За что мне тому старцу дати рожь та? Помилова мя Богъ, и здрав есмъ». И того ради показа ему Богъ и Пречистая Богородица видение се на уверение ему. Онъ же то видев, возбнувъ от сна, абие прииде ко мне в пустыню и прощениа прося у мене, глаголя сице: «Бога ради прости мя, честный отче. Виненъ есмъ пред Живоначалною Троицею и пред Пречистою Богородицею, и пред тобою, отче. Запрети бо ми диавол во уме моем, да ти не дам ржи оноя, посуленыя ти. Ныне же, честный отче, приими посуленую рожь свою». Аз же глаголах ему: «Господине, аз бо не имею у себе жерновов, чим ю смолоть. Но аще будет твое человеколюбие ко мне, да ты ю измолов и печя, хлебами да ми присылаеши». Онъ же тако и сотвори.

После же сего видения, пред поставлениемъ моим во игуменство сея пустыни, почивах бо есмъ в своей келии в чюлане. И видех во сне Пречистую Богородицу в девичии образе, благолепна видением, несмъ бо видел в человецех таковы девицы благообразны. Умилена бо лицем, благолепна образом, долги зеницы и брови черны, носъ же средний и похилъ, на главе же ей венец златъ и многими цветы украшен разными и тяжки у госпожи, — движися! Невозможно же человеческому роду умом смыслити, ни языком сказати, сияет бо, аки солнце. Седит же в келии моей на лавицы в болшем углу, идеже и иконы стоят. Аз же яко бы вышед ис чюлана своего и стоях пред нею, зрех же на ню прилежно и не зводя очей своих с красоты ея. Она же, Царица и Богородица, тако же и на мене противу зря. Аз же на ню невосклонно зрях и видех милостивое ея лице, очи же ея бяху слез исполнены, едва мало на пречистое лице ея не канут. И абие невидима бысть от мене. Аз же возбнувъ от сна и во ужасе быхъ. Востах же, изыдох ис чюлана своего и вжегъ свещу от светилника масленаго, и хотех видети нескверную деву, аще ли она седит в келии моей на месте, идеже ю видех седящу. Изшедшу же ми на среду келии моея, и не видех ея на месте оном. Аз же пришед со свещею к пречистей образу Одигитрия, иже стоит в келии моей, и видех образ той, и познах, яко воистинну явися Пресвятая Богородица тем образом, якоже и на иконе моей келейной образ ея написанъ.

По видении же томъ за мало дний ездих в Великий Новъград, и в Великом Новеграде по милости Божии и Пречистей Богородицы архиепископъ во игуменство мя совершил в пустыню сию, глаголемую Зеленая. А молился есмъ о посещении своем Пресвятей Богородици сице: «Пречистая Госпоже, Царице Небесная, посещала ты, госпоже, великих чюдотворцев, Иоанна Предтечю, и Сергия и Александра преподобных новых чюдотворцовъ,[1061] и всех святых, но то не дивно, понеже они от утробы матерня святи и твоего посещения достойни. Сие же велми дивно и чюдно на земли и на небеси будет, аще мя, грешнаго и окаяннаго, своим милосердиемъ посетишь на уверение души моей грешной и на утвержение къ святому месту сему». Она же, Пресвятая Богородица, моления моего не презрела, и грешнаго мя своимъ милосердием посетила, и мне, окаянному, явилася.